જીવાયેલી જિંદગીના સંસ્મરણો એક નાનકડા પુસ્તકરૂપે આપની સમક્ષ લઈ આવી રહ્યો છું.સમય તો પડકાર ફેંકતો જ રહે છે,પરંતુ નિયત અને નીતિરૂપી હથિયારો સાથે આત્મશ્રદ્ધા અને વિશ્વાસથી પરિસ્થિતિને અનુકૂળ બનાવી શકાય છે.સમય બદલે છે, હા, સમય ને બદલાવી શકાય છે.જિંદગીના ઘટનાક્રમો જો ઓચિંતા અને અણધાર્યા હોય તો જીવતર દોહ્યલું લાગવા માંડે છે,આવા કેટલાક અનુભવોની અનુક્રમણિકા બનાવી ને આપની સમક્ષ મૂકી રહ્યો છું.આ પુસ્તકમાં રોજિંદા જીવનમાં અનુભવાતી ઘણીખરી લાગણીઓની પ્રતીતિ દરેક પ્રકરણમાં થતી રહે છે.એવા જ કેટલાક રસપ્રદ પ્રસંગનું વર્ણન કરતું પુસ્તક એટલે ‘સંભવામિ અનુભવે’. આપ સૌને પુસ્તક પસંદ આવશે તેવી આશા અને આશીર્વાદની અપેક્ષા સહ,